Төрийн албаны тухай хуулийн 27 дугаар зүйлийн 27.1.3 дахь заалт, Төрийн албаны зөвлөлийн 2023 оны 25 дугаар тогтоолоор батлагдсан “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам” -ын 12.1, 12.3 дахь заалт, Төрийн албаны тусгай шалгалт зохион байгуулсан комиссын шийдвэрийг тус тус үндэслэн Төрийн албаны зөвлөлийн Дархан-Уул аймаг дахь салбар зөвлөлөөс ТОГТООХ нь:

1.Хараа-Ерөө голын сав газрын захиргааны Хүн ам, хот суурины усан хангамжийн ашиглалтын асуудал хариуцсан мэргэжилтэн албан тушаалд Дашсүрэнгийн Отгонжаргалыг нэр дэвшүүлсүгэй.

2.Монгол Улсын урт хугацааны хөгжлийн бодлого “Алсын хараа -2050”,  дунд хугацааны зорилтот хөтөлбөр “Шинэ сэргэлтийн бодлого”-т дэвшүүлсэн төрийн бүтээмжийг сайжруулахад анхаарч ажиллах, төрийн албаны шинэтгэлийн үйл явцтай уялдуулан хэрэгжүүлж, манлайлан ажиллахыг нэр дэвшигч (Д.Отгонжаргал)-д үүрэг болгосугай.

           ДАРГА                                  О.ХҮРЭЛЧУЛУУН