Төрийн албаны тухай хуулийн 27 дугаар зүйлийн 27.1.3 дахь заалт, Төрийн албаны зөвлөлийн 2023 оны 25 дугаар тогтоолоор батлагдсан “Төрийн албаны шалгалт өгөх болзол болон шатлан дэвшүүлэх, сонгон шалгаруулах журам”-ын 12.1, 12.3 дахь заалт, шалгалтын комиссын саналыг тус тус үндэслэн Төрийн албаны зөвлөлийн Дархан-Уул аймаг дахь салбар зөвлөлөөс ТОГТООХ нь:

1.Дархан-Уул аймгийн Орон нутгийн өмчийн газрын даргын албан тушаалд Дамирангийн Бат-Эрдэнийг томилуулахаар нэр дэвшүүлсүгэй.

2.Нэр дэвшигч Д.Бат-Эрдэнийг Орон нутгийн өмчийн газрын даргын албан тушаалд томилохыг аймгийн Засаг дарга (Б.Азжаргал)-д санал болгосугай.

3.Монгол Улсын урт хугацааны хөгжлийн бодлого “Алсын хараа-2050”, дунд хугацааны зорилтот хөтөлбөр “Шинэ сэргэлтийн бодлого”-т дэвшүүлсэн төрийн бүтээмжийг сайжруулахад анхаарч ажиллах, төрийн албаны шинэтгэлийн үйл явцтай уялдуулан хэрэгжүүлж, манлайлан ажиллахыг нэр дэвшигч (Д.Бат-Эрдэнэ)-д үүрэг болгосугай.

ДАРГА                                 О.ХҮРЭЛЧУЛУУН