Улсын төсвийн 16.5 тэрбум төгрөгийн хөрөнгө оруулалтаар Оюуны ирээдүй сургуулийн 960 хүүхдийн суудалтай сургуулийн барилгын явц 40 гаруй хувьтай байна. Гэрээт хугацаагаар 2026 оны 4-р улиралд тус сургуулийн барилгыг ашиглалтад хүлээлгэн өгөх бөгөөд шинэ өргөтгөл ашиглалтад орсноор өглөө, өдөр хоёр ээлжид 2 мянган хүүхэд суралцах боломжтой болно. Хичээл сургууль эхлэх гэж байгаатай холбогдуулан барилгын ажлыг гүйцэтгэхдээ хөдөлмөр хамгааллыг нарийвчлан мөрдөж, сургууль орчмын аюулгүй байдлыг ханган ажиллахыг аймгийн Засаг даргын орлогчоор ахлуулсан ажлын хэсгээс гүйцэтгэгч компанийханд анхаарууллаа.