Монгол Улсын Шадар сайдын ивээл дор Монгол Улсын нийгэм-эдийн засгийн тогтвортой хөгжилд нөлөөлөх уур амьсгалын өөрчлөлт, байгалийн болон хүний үйл ажиллагаатай холбоотой эрсдэлийг тодорхойлох, учирч буй сөрөг нөлөөллийг бууруулах, стандартыг сайжруулах, цаашид авч хэрэгжүүлэх арга хэмжээг төлөвлөх зорилго бүхий “Эрсдэлийн Үндэсний Форум” улсын хэмжээнд зохион байгуулагдаж байна.
Тус форумыг 14 дэх жилдээ зохион байгуулж байгаа бөгөөд манай аймагт ЗДТГ-ын хурлын танхимд нээлттэйгээр зохион байгуулж Төр, аж ахуйн нэгж, жижиг дунд үйлдвэр эрхлэгч, хэвлэл мэдээллийн зэрэг салбарын 110 хүний бүрэлдэхүүнтэй эхэллээ.
Монгол оронд тохиолдож байгаа гамшигт, аюулт үзэгдлээс хамгийн анхаарал татаж байгаа нь газар хөдлөлтийн гамшиг бөгөөд газар хөдлөлтийн давтамж, хүч нь нэмэгдэж, энэ тал дээр бид бэлтгэл, бэлэн байдлаа сайжруулах шаардлага үүсэж байгааг албаны хүмүүс онцлон тэмдэглэж байна.
Дархан-Уул аймгийн хэмжээнд гамшгийн эрсдэлийн түвшинд обьектийн гал түймэр тэргүүлж байна. Мөн улирлын онцлогоос хамаарч үер, ой, хээрийн түймэр эрсдэлтэй нөхцөл байдалд байдаг гэж аймгийн ОБГ-аас мэдээллээ.
Форум дараах сэдвийг хөндөнө.
Үүнд:
-Нийгэм болоод гамшгийн эрсдэлийн өсөлт, урьдчилан сэргийлэх аргууд
-Гамшгаас хамгаалах бэлэн байдал ба хамтын ажиллагаа
-Эдийн засгийн эрсдэл түүнийг удирдах, шилжүүлэх санхүүгийн бодлого
-Барилга, дэд бүтцийн салбарын эрсдэлийг бууруулах бодлого, арга хэмжээ дэд сэдвүүдийн хүрээнд зохион байгуулагдана.
Хэлэлцүүлэг уулзалт 3 өдрийн туршид үргэлжилж 7 дэд сэдвийн хүрээнд явагдана.
