Төрийн албан хаагчийн нөөцийг бүрдүүлэх зорилготой төрийн албаны 2025 оны нэгдүгээр улирлын шалгалт өнөөдөр буюу 3-р сарын 12, 13-ны өдрүүдэд зохион байгуулагдаж байна. Энэ удаагийн шалгалтад Дархан-Уул аймгаас 142 иргэн оролцохоор цахимаар бүртгүүлсэн. Шалгалт зохион байгуулах комисс шалгалтад оролцогчдыг зургаан ээлжээр зохион байгуулахаар бэлтгэлээ хангажээ. Шалгалт аймгийн ЗДТГ-ын шинэ байранд цахим шалгалтын танхимд зохион байгуулагдаж байна.