Дэлхийн чансааны оноо олгох “Дархан Спрайт 3х3 2023” тэмцээн энэ жил 18 дахь жилдээ Дархан-Уул аймагт зохион байгуулагдаж, 480 гаруй тамирчин оролцож байна.

Дархан хотын “Миний Монголын цэцэрлэгт хүрээлэн” дэх “Дархан-60” цогцолборт шинээр байгуулагдсан 3х3 сагсны 3 талбайд энэ сарын 19, 20-ны өдрүүдэд болж буй тэмцээнд тамирчид:

U13-14,

U15-16,

U17-18 насны төрөлд өрсөлдөж байна.

Сагсан бөмбөг сонирхогч хүүхэд залуус Улаанбаатар хот болон Орхон, Сэлэнгэ, Говьсүмбэр зэрэг аймгуудаас хүрэлцэн иржээ.

Тэмцээнийг Монголын 3×3 сагсан бөмбөгийн холбоо зохион байгуулж байгаа бол дэмжигчээр УИХ-ын гишүүн Гонгорын Дамдиннямын ажлын алба ажиллаж байна. Тэмцээн маргааш өндөрлөнө. Баг тамирчдад амжилт хүсье.