Тээврийн хэрэгслийн хяналтын улсын үзлэгээр 484 сая төгрөгийн албан татварыг төвлөрүүлжээ

2016 оны 03 дугаар сарын 14-ны өдрөөс  5 дугаар сарын 27-ны өдрүүдэд 5504 тээврийн хэрэгслээс 484 сая төгрөгийн албан татвар орон нутгийн төсөвт төвлөрүүлсэн байна.

Автотээвэр болон өөрөө явагч хэрэгслийн албан татвар, төлбөр, хураамж бүрдүүлэх, техникийн хяналтын улсын тооллогын хуулийн хугацаа 05 сарын 31-ны өдрөөр тасалбар болно.

Шалган бүртгэх товчоонуудын ажиллах нөхцлийг сайжруулна

Дархан хотын урд, хойд зүгт байрлах шалган бүртгэх Буурал хангай, Түшиг Уул хэмээх хоёр товчоо нь  жилдээ орон нутгийн Авто замын санд 200 гаруй сая төгрөгийн орлогыг төвлөрүүлдэг. Эдгээр товчоонууд нь өнөөдрийн байдлаар замын тохижилт муу, тэмдэг тэмдэглэгээ байхгүй, автомат хаалтгүй, гадаа зогсож хураамжаа авдаг, ажлын нөхцөл шаардлага хангахгүй, өвөлдөө галладаг зэрэг олон асуудлууд тулгараад байна.

Дархан-Уул аймагт тариалалтын ажил 60-аад хувьтай байна

Аймгийн хэмжээнд нийт 15418.7 га-д тариалалт хийхээс өнөөдрийн байдлаар  8110 га талбайд тариалалт хийж ажлын явц 59.7 хувьтай байна.  Үүнээс үр тариа 8110 га буюу 74.1 хувь, төмс 389.1 га буюу 118.4 хувь, хүнсний ногоо 581 га буюу 73.1 хувь, тосны ургамал 120га буюу 4,0 хувьд нь тариалалтыг  хийгээд байна. Малын тэжээлийн ургамлын тариалалт хийгдэж эхлээгүй байна.

Төлийн мэдээ:

Дархан-Уул аймагт энэ онд нийт 138.9 мян.толгой  хээлтэгч мал төллөхөөс  5 сарын 27-ны өдрийн байдлаар 117,5 мян.толгой  мал төллөжээ. Мал төллөлт 84,5 хувь, төл бойжилт 99,8 хувьтай байна. Зүй бусаар  585 толгой том мал хорогджээ.

logo

Дарханд 167 үйлдвэр Үйлдвэрийн тооллогод хамрагдаад байна

Монгол улс хичнээн үйлдвэртэй вэ, тэдний хэд нь жижиг, дунд үйлдвэр вэ гэсэн асуултад шууд хариулах тооцоолол одоогоор манай оронд байхгүй.  Тиймээс Аж үйлдвэрийн яамнаас улсын хэмжээнд үйлдвэрийн тооллогыг эхлүүлсэн билээ. “Үйлдвэрийн улсын  цахим бүртгэлийн тооллого”-ыг бүх аймаг сум, дүүрэгт зохион байгуулагдаж байна.

Дархан-Уул аймгийн хувьд аж үйлдвэрийн салбарын цахим мэдээллийн сангийн бүртгэлд 05 дугаар сарын 27-ны өдрийн байдлаар 167 үйлдвэр бүртгүүлсэн байна.

Дэд бүлгүүд

ЦАГ АГААР

 

 

 

  qr 

           Дархан-Уул аймгийн Засаг даргын тамгын газар

              2014 он © Зохиогчийн эрх хуулиар хамгаалагдсан

              Цахим шуудан : info@darkhan.gov.mn

Free counter and web stats

Та энд байна: нүүр